Қырғызстан макулатура экспортын уақытша тоқтатты
АСТАНА. KAZINFORM — Қырғызстанда қалпына келтірілген қағаз бен картонды Еуразиялық экономикалық одақ аумағынан шығаруға уақытша тыйым салынды, деп хабарлайды Кабар.
Қырғыз Республикасының Министрлер кабинеті көрсететін гуманитарлық көмек пен транзитті қоспағанда, Еуразиялық экономикалық одақтың кедендік аумағынан қалпына келтірілген қағаз бен картонды (макулатура мен қалдықтар) сыртқа шығаруға алты ай мерзімге уақытша тыйым салу енгізілді. Бұл өнімдер ЕАЭО-ның Тауар номенклатурасы бойынша 4707 коды бойынша жіктеледі. Тыйым осы қаулы күшіне енген күннен бастап үш күн өткен соң қолданысқа енгізіледі.
Тиісті шешімге Қырғыз Республикасының Министрлер кабинеті төрағасы Адылбек Касымалиев қол қойды.
Қаулының мақсаты — ішкі нарықта шикізат ресурстарының тапшылығына жол бермеу, өндірісті ынталандыру және дайын өнім экспортын ұлғайту.
Осыдан бұрын Қырғызстанда көмірді көлікпен шығаруға уақытша тыйым салынғаны хабарланды.