Құжатты әзірлеушілер қолданыстағы заң халықтың денсаулығын, жер, су нысандарын, өсімдіктер мен жануарлар дүниесін қорғауға, азаматтардың өмір сүруіне, еңбек етуіне және демалуына қолайлы қоршаған орта қалыптастыруға, сондай-ақ Қырғыз Республикасында радиациялық және экологиялық қауіпсіздікті орнатуға бағытталғанымен, ол жалпы елдің экономикасы мен дамуына кері әсер етіп, халықаралық және ұлттық дағдарысты күшейткенін айтады.
Заңды әзірлеу және қабылдау кезінде COVID-19 пандемиясының экономикалық салдарының басталуын, сондай-ақ елдің ең ірі сауда серіктестерінің бірі Ресей Федерациясына қарсы ауқымды қаржылық санкциялардың енгізілуін болжау мүмкін болмады.
2020-2023 жылдардағы оқиғалардың ауыр экономикалық салдарын ескере отырып, Қырғызстан экономикасына басқа табыс көздері өте қажет. Уран мен торийді өндіру және экспорттау Қырғызстан экономикасының маңызды құрамдас бөліктеріне айналу мүмкіндігіне ие.