АСТАНА. KAZINFORM - Бүгін Бішкекте Ана мен бала ұлттық орталығының трансплантология бөлімшесі 22 жастағы науқасқа алғаш рет тегін бүйрек алмастыру операциясын жасады. Бұл туралы Қырғызстан Республикасы Денсаулық сақтау министрлігі хабарлады.
Отаны құрамында үш хирург, үш анестезиолог және екі медбикесі бар медициналық бригада жасаған.
Бірінші кезеңде донордың бүйрегін алу үшін екі сағаттық ота жасалып, одан кейін бүйрек реципиентке ауыстырылды. Науқастың қазіргі жағдайы тұрақты деп бағаланды.
Айта кетейік, Қырғызстанда 2024 жылы бюджет қаражаты есебінен бүйрек ауыстыру бойынша 50 ота жасау жоспарланған.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.