Қырғызстанда Қамшы Көлбаевтың қылмыстық тобы мүшелерінің жылжымайтын мүліктері анықталды

Қырғыз Республикасының Ұлттық қауіпсіздік мемлекеттік комитеті қылмыстық жолмен алынған мүлікті анықтау іс-шаралары барысында Қамшы Көлбаевтың ұйымдасқан қылмыстық тобының мүшелерінен бірнеше жылжымайтын мүлік объектілерін анықтады.

Kazinform aгентігінің тілшісі бұл туралы Қырғыз Республикасының Ұлттық қауіпсіздік мемлекеттік комитетінің баспасөз қызметіне сілтеме жасап хабарлайды.

Ведомствоның мәліметінше, ұйымдасқан қылмыстық топтарға қарсы іс-қимыл жөніндегі мемлекеттік саясатты іске асыру мақсатында марқұм Қ.Көлбаевтың ұйымдасқан қылмыстық тобының мүшелеріне қатысты «қылмыстық кірістерді заңдастыру (ақшаның ізін жасыру)» фактісі бойынша тергеуге дейінгі тексеру жұмыстары жүргізілуде.

МҰҚК тексеруі барысында «Илбирс-Саадат», «Бурана Резорт», «Коста Браво» демалыс орындарындағы коттедж үйлер, сондай-ақ Шолпан-Ата қаласындағы сауда орталығы анықталды.