Қырғызстанда ЖРВИ жұқтырғандар саны артты

Қырғызстанда тұрғындар арасында ЖРВИ-мен сыртқаттанған саны артып жатыр, олардың көбі 14 жасқа дейінгі балалар, деп хабарлайды, Kazinform агенттігінің меншікті тілшісі. 

Аурулардың алдын алу және мемлекеттік эпидемиялық бақылау департаментінің дерегі бойынша, 20-26 қараша аралағында республикада ЖРВИ жұқтырған 5050 адам тіркелсе, Бішкекте 4 адам COVID-19 жұқтырғаны анықталды. Алдыңғы аптамен салыстырғанда ауру 13,1%-ға артқаны байқалады. Вирус жұқтырғандардың 65%-ы – 14 жасқа дейінгі балалар.

Ауа температурасы төмендегендіктен, тұмауға жатпайтын вирустық инфекциялар, оның ішінде паратұмау, аденовирустар, респираторлық-синтициалдық вирус, риновирус жұқтырғандар саны артқан.

Респираторлық инфекциялардың алдын алу екі түрге – арнайы, яғни вакциналау және арнайы емес болып бөлінеді.

Аурудың алдын алу және мемлекеттік эпидемиялық бақылау департаменті тұмауға қарсы 87110 адам екпе алғанын мәлім етті.