БІШКЕК. KAZINFORM – Қырғызстанның Первомай аудандық соты бұрынғы президент Алмазбек Атамбаевты қылмыстық топ серкесі Азиз Батукаевты қамаудан заңсыз босату ісі бойынша сырттай кінәлі деп таныды, деп жазады ТАСС.
Алайда істің мерзімі өтіп кеткеніне байланысты оған жаза тағайындалмады. Бұл туралы экс-мемлекет басшысының адвокаты Сергей Слесарев хабарлады.
– Азиз Батукаев ісі бойынша үкім шықты. Алмазбек Атамбаев кінәлі деп танылды, бірақ істің ескіруіне байланысты жаза тағайындалған жоқ, - деді ол.
Айта кетейік, бұған дейін Қырғызстанның бұрынғы президенті Алмазбек Атамбаев 11 жылға сотталуы мүмкін екенін жазған едік.
Сондай-ақ Қырғызстанда жаппай тәртіпсіздік ұйымдастыруға дайындалып жатқан топ ұсталды.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы