АСТАНА. KAZINFORM - Қазақстандық маман Кирилл Кекер шымкенттік «Ордабасы» командасының бас бапкері қызметінен кетті.
К.Кекер бұл қызметке биылғы жылдың тамыз айында келген еді.
Команда ел біріншілігінде төртінші орынды місе тұтты. Осыған байланысты шымкенттік ұжым сапынан көптеген ойыншылар басқа командаларға ауысты.
Оған дейін Кирилл Кекер 2022 жылғы маусымнан бастап «Қайрат» футбол клубының бас бапкері болды. Алматылық клубтың бас бапкері қызметінде 60 матч өткізген. Оның 29-ында жеңіске жетіп, 15 кездесуде тең түссе, қалғанында қарсыластарына есе жіберді.
Ол «Қайраттың» сәуір айында «Қайсардан» жеңілгенінен кейін өз еркімен қызметінен кетті.
- Кирилл Кеккер келісімшарттың аяқталуына байланысты клубтан шықты. Біз оған кәсібилігі мен жасаған жұмысы үшін алғыс айтамыз. Оның жұмыс қызметін жалғастыруда табыс тілейміз, - деп жазылған хабарламада.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.