Кісі өлтіруші 3 минутта ұсталды
Мысалы, тамыздың 26-сында сағат 14.00-де ІІД ЖБО-ға белгісіз адамнан Қаратау көшесіндегі алаңқайда пышақталған мәйіттің жатқаны туралы хабар түседі. Кезекші бөлімнің сауатты жұмысының арқасында қылмыскерлерді сол маңда жүрген патрульдер санаулы минуттарда іздеп тапты. Мамандандырылған күзет қызметі полицейлерінен тұратын «Бүркіт-1» экипажы 3 минуттың ішінде қаскүнемді ұстады. Тәртіп сақшылары жартылай жалаңаш адамның 12 шағын аудан бағытына жүгіріп бара жатқанын байқаған. Қанға былғанған 43 жастағы күдікті мас адам кафенің маңында спирттік ішімдік ішкеннен кейін болған кісі өліміне қатыстылығын мойындады. Күдіктінің Тараз қалалық құрылыс компанияларының бірінде жүргізуші болып қызмет атқаратыны анықталды. Бірнеше сағаттан кейін із кесушілер қылмыс жасаушының серігін анықтап, ұстады.
Көшелер мен басқа да қоғамдық орындарда құқық бұзушылық пен қылмысты ескерту мен жолын кесу, шартты түрде және мерзімінен бұрын шартты түрде босатылған және бұрын сотталған азаматтарды тексеру мақсатында, 1051 әкімшілік құқық бұзушылық, 675 ішімдік сусындарын ішкен құқық бұзушылар анықталды.
Кәмелетке толмағандар ісі жөніндегі инспекторларынан тұратын ұтқыр топпен КТУООБО-ға (балаларды қабылдап-тарату) 23 қаңғыбас бала орналастырылды, жасөспірімдермен жасалған 8 бұзақылықтың алды кесілді.
Көші-қон заңнамасын бұзғаны үшін ТМД-ның 282 азаматы анықталып, 25 келімсек мемлекеттен шеттетілді, қабылдап-тарату орнына 34 адам орналастырылды. Шетел жұмыс күшін тарту ережелерін бұзғаны үшін 8 жұмыс беруші әкімшілік тәртіппен жазаланды.
Қоғамдық қауіпсіздік басқармасы бастығының орынбасары полиция поковнигі Исмайыл Камаловтың айтуы бойынша, мерекеге дейінгі және мереке күндері құқық тәртібін күзетуге ІІД қызметтерінің барлық автокөліктері тартылған, көшелерде жаяу, атты және басқа да патрульдер күшейтілген.