АСТАНА. KAZINFORM – Италияның Турин қаласында өтіп жатқан қысқы Универсиадада Қазақстан қоржынына алғашқы алтын медаль түсті.
Фристайл-могулдан отандасымыз Анастасия Городко қарсылас шақ келтірмеді.
Финалға бірінші орынмен шыққан А.Городко ең жоғары ұпаймен (79,79) жеңіс тұғырына көтерілді.
Жапониялық Харука Накао 76,29 балмен күміс жүлдеге ие болды.
Германиялық Ханна Вессе (75,04 балл) үздік үштікті түйіндеді.
Тағы бір қазақстандық, қысқы Универсиаданың ашылу салтанатында ту ұстап шыққан Аяулым Әмренова 70,52 балмен бесінші орынға табан тіреді.
Еске сала кетейік, бұдан бұрын қысқы Универсиадада бүгін қазақстандық жастар үш спорт түрінен сынға түсетінін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).