Қытай 2050 жылға қарай 30-дан астам ғарыштық ғылыми миссиясын іске қосады

АСТАНА. KAZINFORM — Қытай ғарыштық ғылымды дамытудың Ұлттық орта және ұзақ мерзімді бағдарламасын ұсынды. Ол 2024-2050 жылдар аралығында елдегі ғарыштық ұшулар мен зерттеулер жоспарын айқындайтын болады, деп жазады Синьхуа.

Бағдарлама бес негізгі ғылыми тақырып бойынша 17 басым бағыттан құралған. Ол Қытай ғарыш ғылымының даму мақсаттарын, сондай-ақ үш кезеңдік жол картасын қамтиды.

— Бес негізгі ғылыми тақырыпқа экстремалды ғалам, кеңістіктік-уақыттық толқындар, күн мен жердің планеталық панорамасы және ғарыштағы биологиялық және физикалық ғылымдар кіреді, — деді Қытай Ғылым академиясының вице-президенті Дин Чибяо сейсенбіде өткен баспасөз мәслихатында.

Негізгі тақырыптарға тұрақты даму, Күн жүйесінің пайда болуы мен эволюциясы, планеталық атмосфераның сипаттамасы, жерден тыс тіршілікті іздеу және экзопланеталардың ашылуы жатады.

Сонымен қатар, бағдарлама Қытайдағы ғарыш ғылымын 2050 жылға дейін дамытудың жол картасын жасайды.

2027 жылға дейін созылатын бірінші кезеңде Қытай ғарыш станциясын пайдалануға, Айды игеруді зерттеу жобасын және Айды зерттеу бағдарламасының төртінші кезеңін, сондай-ақ планеталарды зерттеу жобасын жүзеге асыруға назар аударады. Бағдарламаға сәйкес осы кезеңде ғарыштық спутниктердің бестен сегізге дейін ғылыми миссиялары бекітілетін болады.

Бұған дейін хабарлағанымыздай, археологтар Орталық Қытайдың Хэнань провинциясында шамамен 5 мың жыл тұрған неолит дәуіріне жататын моланы тапты.

Сондай-ақ, Қытайда жанармай мен дизель отынының бағасы көтерілетіні белгілі болды.