АСТАНА. KAZINFORM — Пәкістандық ғарышкер «Шэньчжоу-24» миссиясына қатысады. Бұл туралы сенбі күні Қытайдың Пилотты ғарыш бағдарламасы агенттігі мәлімдеді, деп Xinhua агенттігі жазды.
Ғарышкер орбитада ғылыми тәжірибе жүргізеді. Ол ғарыштағы қысқа мерзімді сапарынан кейін «Шэньчжоу-23» ғарыш аппаратымен Жерге оралады.
Бұл миссия Қытайдың пилотты ғарыш бағдарламасы тарихында қытайлық және шетелдік ғарышкерлердің бірлескен алғашқы сапары болмақ.
Бұған дейін Қытай Айға адам қондыру жоспарын таныстырғанын хабарлаған болатынбыз.
Ақзат Жиеналина
Қ.Жұбанов атындағы Ақтөбе өңірлік университетінің түлегі. 2024-2026 жылдары облыстық "Ақтөбе" қоғамдық-саяси газетінде қызмет еткен. Қазіргі таңда Kazinform халықаралық-ақпарат агенттігінде жұмыс істейді.