Қытай халық санының азаюын өнеркәсіптік роботтармен өтейді

АСТАНА. KAZINFORM — Өткен жылы әлем бойынша анықталған 542 мың жаңа өнеркәсіптік роботтардың жартысынан көбі қытайлық компанияларға тиесілі, деп хабарлайды SCMP. 

2024 жылы Қытай зауыттары 295 мың өнеркәсіптік робот орнатты. Бұл жаңа автоматтандырылған жүйелер автомобильдердің корпустарын дәнекерлейді, электронды құрылғыларды құрастырады және ауыр жүктерді жылжытады, демографиялық өзгерістерден туындаған жұмыс күші тапшылығын толтырады.

Цинхуа университетінің Экономика және менеджмент мектебінің профессоры Гао Сюдунның айтуынша, роботтар болашақта қарапайым және қайталанатын тапсырмаларды бұлжытпай орындайтын болады. Дегенмен шығармашылық және күрделі әрекеттер әлі де адам интеллектісін қажет етеді.

— Халық санының азаюына қарамастан, жұмыс күшінің білім деңгейінің жоғарылауы және роботтарды кеңінен қолданудың арқасында Қытай өнеркәсібінде бәсекеге қабілеттілігін сақтау және нығайту мәселесі болмайды, — деп қосты ол.

2022 жылдан бері Қытайда халық саны қысқарып келеді. Өткен жылы тағы 1,39 миллионға қысқарды. Осыған қарамастан, ел өнеркәсіптік роботтардың рекордтық санымен мақтана алады, 2,027 миллион бірлік, дүние жүзіндегі басқа елдерден айтарлықтай асып түседі.

Әлемдегі алғашқы ЖИ-мен жұмыс істейтін сұрыптаушы робот Қытайда жасалғанын бұған дейін хабарлаған болатынбыз.