Қытай Meta-ның Manus ЖИ-стартапын сатып алу туралы келісімін бұғаттады

АСТАНА. KAZINFORM – Қытай билігі америкалық Meta корпорациясының қытайлық Manus технологиялық компаниясын сатып алуына тыйым салды, деп хабарлайды Xinhua.

Келісімді бұзу туралы ұйғарымды дүйсенбі күні ҚХР Ұлттық даму және реформа істері жөніндегі комиссия жариялады. Шешімді шетелдік инвестициялардың қауіпсіздігін тексеру жөніндегі жұмыс органы қабылдады.

Ведомство қолданыстағы заңнама мен нормативтік актілерге сүйене жобаға тыйым салып, қатысушы тараптарға сатып алуды ресми түрде күшін жоюды бұйырды. 

Еске сала кетсек, өткен жылдың желтоқсан айында Meta корпорациясы Manus компаниясын 2 млрд долларға сатып алғанын жариялады. Стартап автономды, көп мақсатты ЖИ-агенттерін әзірлеуге маманданған.

Осыған дейін Meta қызметкерлерін пернетақта мен тышқан арқылы бақылайтынын хабарладық.