«Яогань-53» (Yaogan-53) тобының 07-09-спутниктері және «Яогань-56» (Yaogan-56) тобының 19-21-спутниктері Астана уақытымен сағат 06:25-те (Бейжің уақытымен 03:25-те) «Чанчжэн-4Б» (Long March-4B) зымыран тасығышымен ұшырылып, жоспарланған орбиталарына сәтті шықты.
Аталған спутниктер негізінен ғылыми эксперименттер жүргізуге, жер мен табиғи ресурстарды зерттеуге, ауыл шаруашылығы дақылдарының өнімділігін бағалауға, сондай-ақ табиғи апаттардың алдын алуға және олардың зардаптарын азайтуға арналған.
Бұл «Чанчжэн» («Ұлы жорық») сериялы зымыран тасығыштарының көмегімен жүзеге асырылған 673-ғарыштық миссия болды.
Бұған дейін Ресей және Қытай Марсты бірлесіп зерттейтіні хабарланған болатын.