Жыл басынан бері әлемдегі ең ірі автокөлік нарығында бөлшек саудадағы автокөлік сатылымы былтырғы осы кезеңмен салыстырғанда 20,8%-ға азайып, 11,716 млн көлікке жетті.
Ең үлкен құлдырау іштен жану қозғалтқышы бар автокөліктер сегментінде тіркелді. Олардың сатылымы 45%-ға төмендеген. Бұған Ормуз бұғазындағы жағдайға байланысты Қытайда бензин бағасының бір тоннасына 1 720 юаньнан астамға, яғни шамамен 117 мың теңгеге қымбаттауы әсер еткен.
Ал тамыз айында автокөлік экспорты керісінше өсім көрсетті. Сыртқы нарыққа жөнелтілген көліктер саны 77,8%-ға артып, 888 мың бірлікке жетті. Оның ішінде жергілікті брендтердің экспорты 780 мың автокөлікті құраса, бірлескен кәсіпорындар мен премиум брендтердің көрсеткіші 108 мың бірлік болды.
Еске салайық, бұған дейін Қытайдың автомобиль экспорты екінші ай қатарынан 1 миллионнан асқанын жазған едік.
Қытай автомобиль өндірушілері қауымдастығы бас хатшысының орынбасары Чэнь Шихуа ішкі сұраныстың әлсіздігі кезінде экспорт өсімнің негізгі қозғаушы күшіне және Қытайдың автомобиль өнеркәсібін тұрақтандырудың негізгі факторына айналғанын атап өтті.