АСТАНА. KAZINFORM - Қытайдың Тайань қаласында өтіп жатқан «President’s Cup - Asian Region» халықаралық турнирі таеквондошы Азиза Қаражанова (53 келі) қола жүлдегер атанды.
Азиза жарыс барысында барлығы төрт кездесу өткізіп, оның үшеуін жеңіспен аяқтады. Алғашқы айналымда қытайлық Цин Гоны (Қытай) жеңсе. одан кейін тайпейлік По Я Судан басып түсты.
Ал ширек финалда қытайлық Цзо Цзюйді тізе бүктірді. Жартылай финалда Мобина Нематзадеге (Иран) есе жіберіп, қола жүлдені қанағат тұтты.
Азиза Қазақстанға 2026 жылы өтетін Азия чемпионатына қосымша жолдаманы сыйға тартты.
Айта кетсек, бұдан бұрын ел құрамасынан Батырхан Төлеуғали (80 келі) қола жүлде алды.
Халықаралық турнир 23-24 сәуір күндері өтеді. Әлемдік бәсекеге Азия елдерімен қатар Аустралия және Франция спортшылары келеді.
Есбол Сұлтанов шәкірттері бұл жарысқа Өзбекстан астанасы Ташкент қаласында дайындалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.