Қытайдың Шаньси провинциясында болған жарылыстан 17 адам жараланды

АСТАНА. KAZINFORM — 30 сәуір күні сағат 13:17 шамасында Қытайдың Шаньси провинциясы, Тайюань қаласындағы тұрғын үй ауданында жарылыс болды.

Синьхуа агенттігінің хабарлауынша, жарылыстан 17 адам жараланған, оның ішінде 4 адам ауыр жарақат алды. Ал 3 адам емделген соң үйлеріне жіберілді. 

Өрт сөндіру-құтқару қызметкерлері жарылыс болған ғимаратқа кіріп, әр пәтерді тексеріп жүр. Құтқару жұмыстары әлі жалғасып жатыр. 

Әлеуметтік желілерде тараған видеолардан қалың түтіннің жан-жаққа таралып жатқанын, жақын маңдағы тұрғын үйлердің әйнектерінің сынғанын және бірнеше көліктің өртенгенін көруге болады. 

Еске сала кетейік, бұған дейін Үндістанда қонақүй өртенгенін, 14 адам қаза тапқанын жазған едік.