АСТАНА. KAZINFORM — Қытайдың Үрімжі экономикалық-технологиялық даму аймағы Шиху көшесіндегі ипподромда Шыңжаң жылқы қауымдастығының екі күндік «Тунчуан кубогы» атындағы Іле жылқысының көкпар сынағы сериясы бойынша «Тяньшань шабандоздары» кубогының көкпар жарысы өтті, деп хабарлайды Қытайдың «Халық газеті».
Аталған БАҚ-тың дерегіне сүйенсек, Шыңжаңда өсіріліп, дамытылған Іле жылқысы Қытайда ұлттық брендке айналған жылқы тұқымы саналады.
Сол танымал Іле жылқысының көкпарға бейімділік сынағы бойынша жарыс өткен.
«Көкпар жарысы — қазақ, ұйғыр, қырғыз, тәжік, моңғол және басқа да этностар жақсы көретін дәстүрлі спорт түрі. Іле жылқысы Шыңжаңда өсіріліп, дамытылған негізгі жылқы тұқымдарының бірі болғандықтан, Қытайда бренд жылқы тұқымына айналды», — деп жазады People.cn.
Еске салсақ, бұған дейін елордада бәйге мен көкпар жарыстары өтіп жатқаны хабарланды.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан