Ханчжоу қаласында өтіп жатқан Азия ойындарында қытайлық қазақ Тоқтарбек Таңатқан чемпион атанды, деп хабарлайды ҚазАқпарат тілшісі.
Қытайлық қандасымыз финалда филиппиндік Эумир Феликс Марсьяльмен жұдырықтасты.
Бірінші раундта филиппиндік боксшы Тоқтарбекті нокдаунға жіберіп, бес төреші соған дауыс берді.
Екінші кезеңде Тоқтарбек қарсыласын нокдаунға түсіріп, таразы басын теңестірді.
Қорытынды есеп - 5:0, Тоқтарбектің пайдасында.
Т.Таңатқан осы Азия ойындарында қазақстандық Нұрбек Оралбайды жеңіп кеткен еді.
Еске сала кетейік, бұдан бұрын Карина Ибрагимованың Азия ойындарының күміс жүлдегері атанғанын жазған болатынбыз.
Сондай-ақ Қытайда тұратын қандасымыз Тоқтарбек Таңатқан Азиада алтынына таласатыны белгілі болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).