ҚЫЗЫЛОРДА. KAZINFORM - Қызылорда қаласында жол-көлік оқиғасынан 3 адам қаза тауып, 1 адам жарақат алды.
9 ақпанда сағат 18:55 шамасында «ВАЗ» және «КаМАЗ» маркалы автокөліктер соқтығысып, жол-көлік оқиғасы тіркелген.
«Бұл жөнінде Қызылорда қаласы Полиция басқармасының жедел 102 арнасына хабарлама келіп түсті. Оқиға салдарынан үш адам оқиға орнында қаза тауып, бір адам ауруханаға жеткізілді. Аталған дерек бойынша тергеу жүргізілуде. Оқиғаның мән-жайы анықталуда», - деп мәлім етті Қызылорда қалалық Полиция басқармасы бастығының бірінші орынбасары Ердәулет Жаукеев.
Еске салсақ, бұдан бұрын Қызылорда облысында қарыз алған танысын пышақтап өлтірген тұрғын сотталды.
Ол 14 жылға бас бостандығынан айырылды. Сотталушы берешек ақшаны қайтарып алу үшін 2024 жылдың тамыз айында Қызылорда қаласынан Сексеуіл кентіне барған.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.