ҚЫЗЫЛОРДА. KAZINFORM — Қызылорда облысында өрттен 1500 пресс шөп жанып кетті.
Шиелі ауданы № 13 өрт сөндіру бөлімінің 101 байланыс телефонына бүгін, 17 маусымда 11.10 шамасында Бидайкөл ауылында мал қора жанып жатқандығы туралы хабарлама келіп түсті.
«Аталған хабарлама бойынша бөлімнен 2 өрт сөндіру автокөлігімен 5 қызметкер жұмылдырылды. Тұрғын үйдің ауласында ауданы 12×12 метр болатын мал қора және 1500 дана жиналған пресс шөбі жанғандығы анықталды. Өрт 12.00 шамасында толығымен жойылды. Салдарынан зардап шеккендер мен жарақат алғандар жоқ. Өрттің шығу себебі анықталып жатыр», - деп мәлім етті Қызылорда облыстық Төтенше жағдайлар департаментінен.
Еске салсақ, бұдан бұрын Қызылорда облысында өрттен 100 бау шөп жанып кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.