ҚЫЗЫЛОРДА. KAZINFORM - Қызылорда облысында алауыздық тудыратын жазба таратқан тұрғынға қатысты сот үкімі шықты.
Облыстық полиция департаментінің экстремизмге қарсы іс-қимыл басқармасы қызметкерлері жедел-іздестіру іс-шараларын жүргізді.
«Аталған шара барысында деструктивті діни ағым ұстанатын 36 жастағы ер азамат әлеуметтік желіде экстремистік материалдарды таратқаны анықталды. Оған қатысты ҚР Қылмыстық кодексінің 174-бабы 1-бөлігімен тергеп-тексеру амалдары басталып, тиісті сараптамалар тағайындалды. Қызылорда қалалық сотының үкімімен ол кінәлі деп танылып, оған 4 жыл мерзімге бас бостандығын айыру жазасы тағайындалды», - деп мәлім етті Қызылорда облыстық полиция департаментінен.
Еске салсақ, бұдан бұрын Қызылордада заңсыз ойын бизнесін ұйымдастырған бес адам сотталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.