Қызылорда облысында «Самара-Шымкент» тас жолының бірқатар бөлігінде ауа-райының нашарлауына байланысты барлық көліктің қозғалысына шектеу қойылды, деп хабарлайды Kazinform.
Соңғы тәулікте Қызылорда облысында ауа-райы нашарлап тұр. Жаңбыр, қар ауа температурасының төмендеуі байқалды.
«13 қаңтарда елорда уақытымен 1.30-дан бастап «ҚазАвтоЖол» АҚ Қызылорда облысы бойынша филиалы «Самара-Шымкент» автомобиль жолының 1 474-1 939 шақырым аралығына көліктің барлық қозғалысына шектеу қоюға шешім қабылдады. Ол Қазалы ауданының орталығы Әйтеке би кентінен Қызылорда қаласына дейінгі аралықты қамтиды. Ал таңғы 4.40-тан бастап мұндай шектеу Шиелі кентінен Қызылорда қаласына дейінгі аралықтан алынып тасталды», - деп мәлім етті Қызылорда облыстық төтенше жағдайлар департаментінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.