ҚЫЗЫЛОРДА. KAZINFORM - Қызылорда облысында биыл өмірге келген нәрестелерге Айсұлтан, Ерасыл, Әлихан, Мұхамед есімдер жиі қойылған.
«Азаматтарға арналған үкімет» мемлекеттік корпорациясының филиалының хабарлауынша, ұлдар арасында Айсұлтан, Ерасыл, Әлихан, Мұхамед көбірек кездесті. Ал қыздарға ата-аналар Айлин есімін көп таңдаған. Оған қоса Медина, Әмина есімдері сұранысқа ие болған.
"Жыл басынан бері Қызылорда облысында 13 мыңға жуық бала дүниеге келген. Айта кетсек, қазір тууды тіркеуге өтінішті ХҚКО, электрондық үкімет порталы арқылы және проактивты түрде беруге болады. Бұл ретте, бала туылғаннан кейін сәбидің анасына 1414-тен құттықтау SMS-хабарлама келіп, қызмет көрсету үшін қажетті ақпаратты кезең-кезеңімен сұрататын болады», - деп атап өтті «Азаматтарға арналған үкімет» мемлекеттік корпорациясының филиалынан.
Еске салсақ, Қызылордада биыл 15 бала терезеден құлап кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.