Қызылорда облысында мұнай өнімдерінің заңсыз айналымына жол берген серіктестік анықталды

ҚЫЗЫЛОРДА. KAZINFORM - Қызылорда облысында мұнай өнімдерінің заңсыз айналымына жол берген серіктестік үстінен қылмыстық іс қозғалды.

Серіктестік дизель отынын сатып алу мен өткізудің заңдылығын растайтын құжаттарсыз мемлекеттік мекемеге және 3 заңды тұлғаға сатып келген.

«Серіктестік аталған заңдылықты сақтамай 2019-2023 жылдар аралығында 26 мемлекеттік мекемеге және 3 заңды тұлғаға дизель отынын өткізгені анықталды. Оның жалпы көлемі 262 млн теңге. Бұл бойынша қылмыстық іс тіркеліп, бүгінде іс аяқталу сатысында», - деп мәлім етті Қызылорда облысы бойынша Экономикалық тергеп-тексеру департаментінен.

Сондай-ақ биыл ҚР Қылмыстық кодексінің 197 және 218-баптары бойынша екі серіктестікке қатысты сот үкімі шықты.

Еске салсақ, бұдан бұрын Қызылорда облысында 24 пәтер ұрлығына қатысы бар үш адам ұсталды.