Қызылорда облысында өрттен 100 бау шөп жанып кетті
ҚЫЗЫЛОРДА. KAZINFORM - Қызылорда облысында өрттен 100 бау шөп жанып кетті.
Фото: Қызылорда облыстық ТЖД
Төтенше жағдайлар қызметіне 14 маусымда 14.24-те Шиелі ауданы Отырар көшесі №3 мекенжайында мал қора жанып жатқаны жөнінде хабарлама келіп түскен.
Фото: Қызылорда облыстық ТЖД
«Өрт сөндірушілер оқиға орнында ауданы 5х10 метр мал қора жанып жатқанын анықтады. Оның ішінде 1 уақ мал қалып қойған. Оған қоса 100 бау шөп жанған. Өрт 14.45-те толықтай сөндірілді. Өрттің шығыны мен шығу себебі анықталып жатыр», - деп мәлім етті Қызылорда облыстық Төтенше жағдайлар департаментінен.
Еске салсақ, бұдан бұрын Қызылорда облысында көше бойында тұрған жеңіл көлік толығымен өртеніп кетті.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.