ҚЫЗЫЛОРДА. KAZINFORM - Қызылорда облысында сеніп тапсырылған бөтен мүлікті иемденіп алу немесе талан-таражға салу дерегі бойынша айып тағылған серіктестіктің бұрынғы төрағасы қолға түсті.
Қызылорда облыстық Полиция департаменті бұдан бұрын «Мади-Қажы» жауапкершілігі шектеулі серіктестігінің бұрынғы директоры Сейіткамал Абзалұлы Сұлтановқа іздеу жариялаған болатын.
Онда ҚР Қылмыстық кодексінің 189-бабының 4-бөлігінің 2-тармағымен «сеніп тапсырылған бөтен мүлікті иемденіп алу немесе талан-таражға салу» дерегі бойынша айып тағылғаны айтылған.
«Күдікті Қызылорда ҚПБ-ның уақытша ұстау изоляторына оқшауландырылды. Қазіргі уақытта тергеп-тексеру әрекеттері жүргізіліп жатыр», - деп мәлім етті Қызылорда облыстық Полиция департаментінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.