Қызылорда облысында жыл басынан бері 18 кәсіпорынның жұмысшыларға жалақыға 32,2 млн теңге берешек екені анықталған. Тиісті шаралардың нәтижесінде 205 адамның берешегі өтеліп, жұмыс берушілерге заң аясында айыппұл салынды, деп хабарлайды Kazinform.
Жыл басынан бері облыстық бақылау жөніндегі басқарма ықпалымен 250 тексеріс жүргізілген. Анықталған заң бұзушылықтарды жою жөнінде 212 нұсқама берілген.
«Жыл басынан бері облыстың еңбек инспекторлары 18 кәсіпорынның жұмыскерлерге берілетін жалақысы бойынша 32,2 млн теңге берешегін анықтаған. Қабылданған шаралардың нәтижесінде, 205 жұмыскердің берешегі өтеліп, жұмыс берушілерге заң аясында айыппұл салынды. Сондай-ақ, биыл басқарма тарапынан көрсетілетін 5 түрлі мемлекеттік қызметті алуға «Е-лицензирование» порталы арқылы 968 өтініш келіп түсті. Оның 446-ы лицензиялар мен аттестаттарға берілсе, 238 өтініш тұлғалар біліктілік талабына сәйкес келмеуі және құжаттарын толық ұсынбауы себепті бас тартылды», - деді облыстық бақылау жөніндегі басқармасы басшысының міндетін атқарушы Марат Мырзабеков.
Еске салсақ, биыл Қызылорда облысында заңсыз айналымнан 122 қару тәркіленді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.