ҚЫЗЫЛОРДА. KAZINFORM - Қызылорда облысында жарық өшіп қалуына байланысты облыс әкімдігі түсініктеме берді.
Оқиға 12 мамырда сағат 23.00 шамасында болды. Облыс орталығы мен бірқатар аудандарда жарық сөніп қалды.
Бұл жөнінде облыс әкімдігі түсініктеме берді.
«KEGOC» АҚ-ның Шымкент қаласындағы 220 кВ желісінде апат тіркелді. Сол себепті, Қызылорда облысында (Арал,Қазалы аудандарынан басқа) электр жарығы өшті. Қазіргі таңда апат себептері анықталуда. Желідегі ақау жөнделгенше, сабыр сақтауды сұраймыз», - деп жазылған хабарламада.
Қазір электр жарығы қалпына келтіріліп, тұрғындарға электр қуаты беріле бастады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.