ҚЫЗЫЛОРДА. KAZINFORM - Қызылорда облысында жасөспірімдер арасындағы жаппай төбелеске қатысты қылмыстық іс қозғалды.
Бұл жөнінде әлеуметтік желіде бейнежазба жарияланды. Онда оқиғаның Арал ауданына қарасты Жақсықылыш кентінде болғаны айтылған.
Бейнежазбада көше бойында жасөспірімдердің жаппай төбелесі көзге көрінеді.
Оқиғаның болғанын Арал аудандық полиция бөлімі растап, төмендегіше түсініктеме берді.
- Бұзақылық фактісі бойынша қылмыстық іс қозғалды. Полиция қызметкерлері жүргізген іс-шара барысында жанжалға қатысушыларды анықталуда. Қылмыстық іс негізінде құқықтық баға берілетін болады, - деп жазылған хабарламада.
Айта кетсек, былтыр мамыр айында Қызылорда қаласында жастар арасында жаппай төбелес болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.