ҚЫЗЫЛОРДА. KAZINFORM — Қызылорда облысында жол-көлік апатынан бір адам оқиға орнында қайтыс болып, бес адам дене жарақатымен ауруханаға жатқызылды.
Оқиға 20 шілдеде «Самара-Шымкент» тас жолының Сырдария ауданы Шаған елді мекені тұсында, болған.
«Тәжікстаннан Ресей мемлекетіне бағыт алған „Kia Rio“ автокөлігінің жүргізушісі қарсы бағытқа шығып кеткен. Салдарынан қарсы бағыттағы көлікке соқтығысып бір жолаушы оқиға орнында қайтыс болды. Бес адам дене жарақатымен ауруханаға жеткізілді. Аталған дерек бойынша қылмыстық іс қозғалды. Тергеу әрекеттері жүргізілуде», — деп мәлім етті Қызылорда облыстық Полиция департаментінен.
Еске салсақ, бұдан бұрын Қызылордада аса ірі көлемде алаяқтық жасап, қашып кеткен адам қолға түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.