Қызылорда тұрғыны ауылдасының жинап қойған шөбін өртеп жіберген
Қызылорда облысында ауылдасының мың бума жоңышқасын өртеп жіберген тұрғын ұсталды, деп хабарлайды ҚазАқпарат тілшісі.
Фото: Қызылорда облыстық полиция департаменті
Жалағаш аудандық полиция бөліміне Темірбек Жүргенов ауылының тұрғынынан арыз түсті. Онда мал қорада тұрған мың бума жоңышқа шөбін белгісіз біреудің өртеп жібергені туралы айтылған.
Фото: Қызылорда облыстық полиция департаменті
«Ауыл тұрғынына келтірілген шығын көлемі – 1 млн теңге. Жедел іздестіру шараларының нәтижесінде күдікті ретінде сол ауылдың 29 жастағы тұрғыны ұсталды. Аталған дерек бойынша ҚР Қылмыстық кодексінің 202-бабының 2-бөлігімен тергеп-тексеру амалдары жүргізіліп, тиісті сараптамалар тағайындалды. Оқиғаның мән-жайы анықталып жатыр», - деп мәлім етті Қызылорда облыстық полиция департаментінен.
Еске салсақ, бұдан бұрын Қызылордада скутер тізгіндеген жасөспірім жол апатына ұшырады.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.