ҚЫЗЫЛОРДА. KAZINFORM — Әлеуметтік желіде «Қорқыт ата атындағы Қызылорда университетіне қосымша ректор грантына немесе босаған білім гранттарына оқуға түсіріп береміз» деген мазмұндағы түрлі жарнамалар мен хабарламалар тарады. Университет әкімшілігі мұның шындыққа жанаспайтынын мәлімдеді.
— Талапкерлер мен олардың ата-аналарын тек Қорқыт ата атындағы Қызылорда университетінің ресми ақпарат көздері мен әлеуметтік желідегі ресми парақшаларында жарияланған мәліметке ғана сенуге шақырамыз. Жоғары оқу орындарына қабылдау Ғылым және жоғары білім министрлігі бекіткен қолданыстағы қағидаларға сәйкес жүзеге асырылады. Университетке қабылдау үдерісі заңнама талаптарына сай ашық әрі ресми тәртіппен жүргізіледі, — делінген хабарламада.
Еске салайық, елімізде 123 жоғары оқу орны бар, оның 107-сі — азаматтық университет.
Назерке Саниязова
Қорқыт ата атындағы ҚМУ түлегі. Республикалық, облыстық бұқаралық ақпарат құралдарында, басылымдарда түрлі қызмет атқарған. 2025 жылғы наурыздан бастап Kazinform халықаралық ақпарат агенттігінің Қызылорда облысындағы меншікті тілшісі.