ҚЫЗЫЛОРДА. KAZINFORM – Есірткіні сату үшін аса ірі мөлшерде заңсыз сақтаған Қызылорда қаласының 34 жастағы тұрғыны ұсталды.
Бұл бағытта Қызылорда облысы полиция департаментінің Есірткі бизнесіне қарсы күрес басқармасының қызметкерлері жедел-іздестіру шараларын жүргізді.
«Нәтижесінде Қызылорда қаласының 34 жастағы тұрғыны есірткі затын сату үшін аса ірі мөлшерде заңсыз сақтағаны белгілі болды. Сараптама қорытындысымен тәркіленген заттың салмағы 261 гр. болды және ол «a-PVP» психотроптық заттарға жататыны анықталды. Күдікті уақытша ұстау изоляторына оқшауландырылды, тергеу жалғасуда. Қазақстан Республикасы Қылмыстық процестік кодексінің 201-бабына сәйкес өзге ақпараттар жария етілмейді», - деп мәлім етті Қызылорда облыстық полиция департаментінен.
Еске салсақ, бұдан бұрын Қызылорда облысында жергілікті тұрғыннан аса ірі мөлшерде есірткі табылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.