ҚЫЗЫЛОРДА. KAZINFORM — Қызылорда облысында асфальт-бетон шығаратын 24 зауыт бар. 13 зауыт талаптарға толық сай. 11 зауыт жұмыстарында кемшіліктер анықталды.
Бұл - «Жол активтерінің ұлттық сапа орталығы» РМК Қызылорда облыстық филиалының мамандары ішінара зерделеу жұмыстарының нәтижесі. Арнайы қондырғыларда сертификат болмауы, құрылыс материалдарының сапасын қадағаламау секілді бірқатар кемшілік бойынша ескертулер жасалды.
«Тексеру барысында кейбір зауыттарда қарапайым талаптар сақталмағаны расталды. Соның салдарынан аталған кәсіпорындардан шығатын асфальт жабындылары сапалы болмауы мүмкін. Сондықтан жергілікті әкімдікке олқылық анықталған асфальт-бетон зауыттары бойынша ұсыныс берілді», — дейді «Жол активтерінің ұлттық сапа орталығы» РМК Қызылорда облыстық филиалының директоры Ерболат Көштаев.
Еске салсақ, елімізде қоғамдық бақылаушылар жол сапасын тексереді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.