ҚЫЗЫЛОРДА. KAZINFORM - Қызылорда облысында бюджет қаражатын жеке есепшотына заңсыз аударып алған бас есепшінің үстінен қылмыстық іс қозғалды.
Облыс прокуратурасы бюджет қаражатын жұмсаудың заңдылығы мен тиімділігіне талдау жүргізді.
Сол арқылы «Дарын» облыстық қосымша білім беру орталығының бас есепшісі заңсыз әрекетін әшкереледі.
- Бас есепші іссапар мен жалақыға көзделген 50 млн теңге бюджет қаражатын өзінің жеке есеп шотына заңсыз аударып алған. Аталған дерек бойынша облыс прокуратурасымен ҚР Қылмыстық кодексінің 189-бабы 4-бөлігінің 2)тармағымен қылмыстық іс тіркелді. ҚР Қазақстан Республикасының Қылмыстық-процестік кодексiнің 201-бабының талабына сәйкес өзге ақпарат жариялануға жатпайды, - деп мәлім етті Қызылорда облыстық прокуратурасынан.
Еске салсақ, бұдан бұрын Қызылорда облысында балабақша асханасында тышқан жүргені жөнінде бейнежазба тарады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.