Бақылау және қадағалау органдарының бизнес-қоғамдастыққа есеп беру жиынында мәлім болғандай, бұл өткен жылдың осы кезеңімен салыстырғанда 42%-ға жоғары.
Заңбұзушылықтардың басым бөлігі санитариялық-эпидемиологиялық талаптардың сақталуы, еңбек заңнамасы мен жұмысшылардың құқығын қорғау, салықтық әкімшілендіру және жер қатынастары салаларына тиесілі.
— Биыл мемлекеттік органдар тарапынан бизнес субъектілеріне 34 негізсіз тексеру жүргізілген. Мұндай жағдайларға жол берілмеуі тиіс. Бақылау-қадағалау органдары бизнеске қатысты тексеру шараларын тағайындау кезінде заңнама талаптарының қатаң сақталуын қамтамасыз етуі қажет, — деді облыс әкімінің орынбасары Нұриддин Аманқұл.
Еске салайық, жуырда Байқоңыр қаласының прокуратурасы Қармақшы аудандық санитариялық-эпидемиологиялық бақылау басқармасы тарапынан кәсіпкерлік қызметке заңсыз араласу фактісін анықтады.