ҚЫЗЫЛОРДА. KAZINFORM - Қызылорда қаласында мұғалім әріптесін пышақтап өлтірді деген күдікке ілінді. Қазір күдікті адам қамауға алынған.
Оқиға 1 маусымнан 2-не қараған түні болған. Екі адам арасындағы жанжал туындаған. Жанжал барысында бір адам пышақ жарақатынан қайтыс болған.
Әлеуметтік желіде мұғалім әріптесін пышақтап өлтірді деген күдікке ілінгені жөнінде айтылды.
Бұл жөнінде облыстық білім басқармасы түсініктеме берді.
«Қызылорда қаласында тіркелген оқиғаға қатысты екі мұғалім де биыл 31 мамырда еңбек демалысына шыққан. Оқиғаның мән-жайын құзырлы орган тергеуде», - деп атап өтті басқармадан.
Облыстық полиция департаментінің хабарлауынша, аталған дерек бойынша қылмыстық іс қозғалған.
«Бұл бойынша сараптамалар тағайындалып, оқиғаның мән-жайы анықталуда. Күдікті қамауға алынды. Тергеу мүддесі үшін өзге ақпарат жария етуге жатпайды», - деп мәлім етті департаменттен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.