ҚЫЗЫЛОРДА. KAZINFORM — Әлеуметтік желіде ақпарат тарады. Онда қала мектептерінің бірінде бастауыш сыныпта сабақ беретін әйелдің кісі қолынан қаза тапқаны айтылған.
Бұл оқиғаның болғанын облыстық полиция департаменті растап, төмендегіше түсініктеме берді.
— Аталған дерек бойынша тергеу жүргізілуде. Күдікті ұсталып, уақытша ұстау изоляторына қамалды. Қазақстан ҚР Қылмыстық кодексінің 201-бабына сәйкес өзге ақпарат тергеу мүддесіне орай жария етілмейді, — деп мәлім етті департаменттен.
Еске салсақ, бұдан бұрын Қызылордада жүк көлігінің тіркемесі полицияның қызметтік автокөлігінің үстіне құлады. Оқиға 7 қаңтарда «Самара-Шымкент» тас жолының Қызылорда қаласына қарасты Талдыарал елді мекенінің тұсында болған. Сол аумақта Қызылорда облыстық полиция департаменті патрульдік полиция ротасының екі қызметкері жұмысын атқарып жүрген болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.