Қызылордада өрт салдарынан 4 гараж, 6 сарай, 1 көлік өртеніп кетті
15:02, 30 Сәуір 2024
ҚЫЗЫЛОРДА. KAZINFORM - Қызылорда облысында өрт салдарынан екі қабатты тұрғын үйдің жанында тұрған 4 гараж, 6 сарай, 1 көлік өртеніп кетті.
Оқиға Қызылорда қаласындағы Ақжарма ауылдық округіне қарасты Талдыарал елді мекенінде болған.
«Екі қабатты тұрғын үйдің жанында 4 гараж, оған жапсарлас салынған 6 сарай жанып кеткен. Оған қоса «Тойота камри» жеңіл автокөлігі отқа оранды. Сарай ішінде тұрғындардың тұрмыстық заттары толығымен жанған», - деп мәлім етті. Қызылорда облысының ТЖД Өрт сөндіру және авариялық-құтқару жұмыстары қызметінен.
Еске салсақ, бұдан бұрын Қызылорда облысындағы білім беру орталығында болған өрттен 60 адам эвакуацияланды.