ҚЫЗЫЛОРДА. KAZINFORM - Қызылорда қаласында шаштаразда шыққан өрттен көп қабатты үйдегі 40 адам эвакуацияланды. Оның ішінде 11-і бала.
18 ақпанда Қызылорда облыстық төтенше жағдайлар департаментіне бес қабатты тұрғын үйдің бірінші қабатында орналасқан шаштаразында өрт шыққаны жөнінде хабарлама келіп түскен.
«Төтенше жағдайлар департаменті күшімен баспалдақ арқылы 40 адам эвакуацияланды, оның ішінде 11 бала. Қаза болғандар мен зардап шеккендер жоқ. Оқиға орнында Төтенше жағдайлар департаментінің 28 қызметкері 9 бірлік техникасымен жұмылдырылды», - деп мәлім етті Қызылорда облыстық төтенше жағдайлар департаментінен.
Еске салсақ, бұдан бұрын Қызылорда облысында жолда қалып қойған 4 мың жолаушыға көмек көрсетілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.