ҚЫЗЫЛОРДА. KAZINFORM - Қызылорда қаласында тұрақта тұрған автокөлік толығымен жанып кетті.
8 мамырда сағат 12.43-те Күштер мен құралдарды жедел басқару орталығынан хабар келіп түсті.
««Астана-2» мөлтек ауданы А. Шәменов көшесі бойындағы №9 тұрғын үйдің автокөлік тұрағында «Volkswagen Passat» жеңіл автокөлігі толығымен жанып жатқаны айтылған. Автокөлік 1992 жылы зауыттан шыққан. Қызыл жалын 12.55-де толық сөндірілді. Оны жоюға №4 өрт сөндіру бөлімінен 1 техника, 6 қызметкер жұмылдырылды», - деп мәлім етті Қызылорда облысының Төтенше жағдайлар департаменті Өрт сөндіру және авариялық - құтқару жұмыстары қызметінен.
Еске салсақ, бұдан бұрын Қызылорда облысында екі адамды тоқ соғып, мерт болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.