Қызылордада тұрғын үйде жарылған газ салдарынан төрт жасөспірім ауруханаға жеткізілді
ҚЫЗЫЛОРДА. KAZINFORM — Қызылорда қаласында жеке тұрғын үйде газ жарылып, төрт жасөспірім балалар ауруханасының жан сақтау бөліміне жеткізілді.
Фото: Қызылорда облыстық ТЖД
Оқиға Қызылорда қаласының Әл-Фараби шағын ауданында жеке тұрғын үйде болған. Газ ауа қоспасының жылыстауы салдарынан өрт шықпай-ақ үй қирап қалды.
Фото: Қызылорда облыстық ТЖД
«Оқиға барысында 4 жасөспірім зардап шекті. Олар балалар ауруханасының жансақтау бөлімінде. Балалар мен жасөспірімдерді ересектердің бақылауынсыз қалдырмауды сұраймыз. Оларға отбасында қауіпсіздік қағидасын қатаң сақтауды насихаттаған абзал. Электр, газ қондырғыларын пайдалануда қауіпсіздік ережесін сақтау қажет», — деп мәлім етті Қызылорда облыстық төтенше жағдайлар департаментінен.
Еске салсақ, бұдан бұрын Қызылорда облысында жанармай құю бекетінен өрт шықты.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.