ҚЫЗЫЛОРДА. KAZINFORM — Қызылорда қаласында УАЗ автокөлігі жолаушылар автобусына соқтығысты. Оқиға салдарынан бір адам ауруханаға жеткізілді.
Оқиға 21 ақпан сағат 18:45 шамасында облыс орталығындағы Абай мен Ғ. Мұратбаев көшелері қиылысында болған.
«Жолаушылар автобусы мен УАЗ автокөлігі соқтығысып, жол-көлік оқиғасы тіркелді. Оқиға полиция басқармасының арыздар мен құжаттарды тіркеу кітабына тіркеліп, тиісті материалдар жинақталып жатыр», — деп мәлім етті Қызылорда облыстық полиция департаментінен.
Ведомство мәліметінше, автобуста болған бір жолаушы ауруханаға жеткізіліп, медициналық тексеруден кейін үйіне қайтарылған.
Еске салсақ, бұдан бұрын Қызылордада қоғамдық көлікке соғылған «ГАЗель» көлігінің кабинасы жанып кеткен еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.