Қызылорда қаласында белгіленбеген жерден өткен жаяу жүргіншіні жүк көлігі қағып кетті. Ол оқиға орнында қаза тапты, деп хабарлайды Kazinform.
Қызылорда қаласына қарасты Ж.Махамбетов ауылының тұсында «Самара-Шымкент» автомагистральды тас жолында 6 қазанда сағат 18:30 шамасында 32 жастағы азаматша белгіленбеген жерді кесіп өтпек болған.
«Жаяу жүргіншіні «SCANIA» жүк автокөлігі қағып, салдарынан 32 жастағы азаматша оқиға орнында көз жұмды. Осы дерек бойынша ҚР Қылмыстық кодексінің 345-бабының 3-бөлігімен сотқа дейінгі тергеп-тексеру әрекеттері жүргізіліп жатыр. Тиісті сот сараптамалары тағайындалды. Оқиғаның мән-жайы анықталып жатыр», - деп мәлім етті Қызылорда облыстық полиция департаментінен.
Полицейлер жүргізушілерге де, жаяу жүргіншілерге де жолда барынша сақ болуды ескертеді.
Еске салсақ, бұдан бұрын Қызылордада қаржы пирамидасын ұйымдастырған әйел ұсталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.