АСТАНА. KAZINFORM – Ішкі істер министрінің орынбасары Санжар Әділов Мәжілістің жалпы отырысынан кейін Қызылорда облысындағы оқушыны жезөкшелікке мәжбүрлеу ісі неге әлі аяқталмай жатқанын түсіндірді.
- Қызылорда облысындағы жағдай бойынша айтсақ, бірнеше үкім шықты. Әріптесімнің айтқанына келсек, иә, тағы екі қылмыстық іс өндірісте бар. Бұл жағдай аяғына дейін тексеріліп, пысықталады. Қылмыстық істі тергеуді аяғына дейін жеткіземіз, - деді ол.
Бұған дейін Қызылордада оқушыны жезөкшелікке мәжбүрлеу оқиғасы бойынша 9 адамға сот үкімі шыққан болатын.
Оның алдында жасөспірім қызды есірткі тұтынуға көндірген адам сотталған еді.
Есімжан Нақтыбай
16.01.1987ж. Монғолияның Баян-Өлке аймағында туған. 1992 жылы Қазақстанға қоныс аударып, ШҚО, Катонқарағай ауданында орта мектепті тәмамдаған. Тілшілік жолы ШҚО Глубокое ауданындағы "Ақ бұлақ" газетінде басталған.