ҚЫЗЫЛОРДА. KAZINFORM - Қызылордада патрульдік полиция қызметкерлері ер адамды суицидтен құтқарды.
Бүгін 102 кезекші пультіне сағат 15:30 шамасында Қызылорда қаласындағы тұрғын үйдің бірінде ер адам өз-өзіне қол жұмсауы мүмкін деген шақырту түсті.
Патрульдік полиция қызметкерлері Айдархан Кенжебекұлы және Шыңғыс Жалғасбай оқиға орнына барғанда үй ауласында ер адамның ағаш баспалдаққа асылып тұрғанын көреді.
- Дереу ер адамды құтқаруға әрекет жасадық. Осылайша оны өлімнен арашалап қалдық. Ол кісі жедел жәрдем мамандарына тапсырылды, - деді патрульдік полиция қызметкері Айдархан Кенжебекұлы.
Еске салсақ, бұдан бұрын Ұлттық ұланының офицері Қызылордадағы көп қабатты үйлердің бірінде өрттің алдын алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.