АСТАНА. ҚазАқпарат - 26 сәуірде Владимир Кличко өзінің титулын қорғайтын болады. Украиналық УДАР партиясының көшбасшысы Виталий Кличконың зайыбы Наталья Кличко күйеуінің бауыры Владимирдің австралиялық Алекс Леапаимен жекпе-жегі алдында Украинаның әнұранын орындамақ.
WBO нұсқасы бойынша өзінің титулын қорғайтын украиналық пен Леапаи арасындағы дода германиялық Оберхаузенде 26 сәуірде өтпек. 40 жастағы Наталья Кличко өзінің әншілік жолын екі жыл бұрын бастаған болатын. Ол алғаш рет Мәскеуде Виталий мен неміс боксшысы Мануэл Чаррдың жекпе-жегі алдында ән шырқаған еді. Сол кезде атақты боксшының зайыбы американдық әнші Дженнифер Раш орындап жүрген композицияны айтты.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.