НҰР-СҰЛТАН. ҚазАқпарат – Көгалдағы хоккейден Қазақстан әйелдер құрамасы Азия ойындарына іріктеу сатысында үшінші мәрте жеңіске жетті, деп хабарлайды ҚазАқпарат тілшісі.
Бұл жолы қазақстандық хоккейшілер Камбоджамен шеберлік байқасты. Ойын барысында Қазақстан құрамасы жинақы қимыл көрсетті. Нәтижесінде бірінші кезеңде қарсыласын 4:0 есебімен сүріндірді.
Екінші кезеңде де ойын қарқыны бәсеңдеген жоқ. Қазақстандық хоккейшілер басымдығын арттыра түсті. Кездесу қазақстандықтардың басымдығымен 9:0 есебімен аяқталды.
Еске салсақ, бұдан бұрын Индонезияны 1:0, Өзбекстанды 2:0 есебімен жеңген болатын.
Ел құрамасы іріктеу кезеңінде Өзбекстан, Индонезия, Гонконг, Шри-Ланка, Камбоджа және Сингапурмен шеберлік байқасады.
Еліміздің әйелдер құрамасы Азия ойындары финалдық сатысында төрт мәрте қатысты. 1998, 2014 жылдарда 6-орын алса, 2010 жылы - 7, 2018 жылы 10-орынды місе тұтты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.