«Көкшетау-Кішкенекөл-Бидайық-РФ шекарасы» автожолын жұмыстары биыл аяқталады
Компания таратқан мәліметтерге қарағанда, республикалық маңызы бар тасжолды жөндеу жұмыстары Солтүстік Қазақстан облысының Ақжар ауданында жүргізілуде. «Көкшетау-Кішкенекөл-Бидайық-РФ шекарасы (Омск)» автожолының 25 шақырым учаскесі орташа жөндеу жұмыстарымен қамтылған.
«АрмСтрой» ЖШС 131-156 шақырым аралығында жол теліміне жаңа материалдар қосу арқылы жол табанын орнатуда және асфальт-бетон қоспадан тегістеуші қабатты төсеуде.
Жол жабынын орташа жөндеу жұмыстары ресайклинг технологиясы арқылы жүргізілді. Республикалық маңыздағы «Көкшетау-Кішкенекөл-Бидайық-РФ шекарасы (Омск)» автожолы ІІІ техникалық санатқа сәйкес. Бұл жолмен тәулігіне 1 895-ке жуық автокөлік жүріп өтеді. Жоспар бойынша жөндеу жұмыстары ағымдағы жылдың күзінде толық аяқталады.